बढ्दो अपराधिक घटना प्रति बाँकेका मानवअधिकारकर्मीहरुको गम्भिर ध्यानाकर्षण

प्रेम विश्वकर्मा, नेपालगंज
२० चैत २०८० ।

बाँके जिल्लामा एक पछि अर्को गरी भएका विभिन्न अपराधिक घटनाले आम नागरिकहरुको शान्ति सुरक्षामा खलल् पुगेको भन्दै मानवअधिकारकर्मीले गम्भिर ध्यानाकर्षण भएको जनाएका छन ।

पछिल्ला दिनमा लगातार घटेका घटनाले आम नागरिकहरुको बाँच्न पाउने नैसर्गिक अधिकारमा खलल् पुगेको भन्दै मानवअधिकारकर्मीहरुले एक अपिल मार्फत सम्बन्धित निकायहरुको ध्यानाकर्षण गराएका हुन ।

नेपालगंज २१ मा भएको हत्या, खजुरामा भएको घटना, होली पर्वका बेला भएका झडप लगायतका घटना तर्फ ध्यानाकर्षण गराउदै अपिलमा भनिएको छ, ‘राज्यका तर्फबाट शान्ति सुरक्षाको जिम्मेवारी लिएका स्थानीय प्रहरी प्रशासनले आम नागरिकहरुको शान्ति सुरक्षा प्रति चनाखो हुन, र अपराधिक घटनामा सम्लग्न ब्यक्ति, समूहको पहिचान गरी कानुनी दायरामा ल्याई पीडकलाई कारबाही र पीडितलाई न्याय दिन हामी अपिल गर्दछौं ।’

अपिल यस्तो छ, हेर्नुहोस ।