श्रीलङ्काको पुलिसलाई हराउँदै हेल्प नेपाल काभा च्याम्पियन लिगको तेस्रो स्थान हात पार्न सफल

काठमाण्डौ । श्रीलङ्काली पुलिसलाई पराजित गर्दै हेल्प नेपालले काभा च्याम्पियन लिगमा तेस्रो स्थान हात पारेको छ । तेस्रो स्थानका लागि भएको खेलमा हेल्प नेपालले ३–१ को सेटमा जीत हात पारेको हो ।

अस्ति भएको लिग चरणको अन्तिम खेलमा पनि हेल्प नेपालले श्रीलङ्काली पुलिसलाई ३–० को सेटमा पराजित गरेको थियो । तर, कीर्गिस्तान बिश्केकसँग समान अङ्क ११ भए पनि सेटको २ सेटले पछि पर्दा आधारमा हेल्प नेपाल फाइनल पुग्न चुकेको थियो ।

हिजो हेल्प नेपालले पहिलो सेट २५–२० ले जित्यो । अर्को सेट पनि २५–१५ ले सहजै आफ्नो बनायो । तर, तेस्रो सेट २०–२५ ले गुमाएपछि दबावमा परेको थियो । चौथो सेटमा पुनरागमन गर्दै हेल्प नेपाल २५–२१ ले विजयी भयो ।